Archives

Enlázate ao voluntariado: XX Congreso estatal de Voluntariado

O pasado 28 e 29 de novembro desenvolveuse en Ourense o XX Congreso estatal de voluntariado baixo o lema “Enlázate ao voluntariado” e que pretende promover dende diferente ópticas o voluntariado como un instrumento de cambio e transformación social con gran valor en diferentes eidos sociais.

Arelar participou no Congreso por unha dobre vía. Por unha banda a través da presentación do proxecto “A experiencia conta” a través da recreación dun programa de radio que permitíu coñecer dun xeito dinámico e fresco a esencia deste proxecto.

En segundo lugar dende a realización dun obradoiro na xornada do 29 de novembro sobre o ciberbullying e proxectos solidarios dirixido a escolares que se achegaron na xornada matutina ao Congreso.

Envellecemento activo e voluntariado

Ven de iniciarse na plataforma de formación on-line da Direción Xeral de Xuventude, Particpación e Voluntariado un curso de “Envellecemento activo e Voluntariado” dirixido a formar a entidades de acción voluntaria e o seu voluntariado no desenvolvemento de proxectos de envellecemento activo onde o voluntariado teña un rol activo.

O curso consta de 4 módulos, nos que se efectúa un percorrido polo que significa o desenvolvemento de proxectos de envellecemento activo e cales son as claves para a súa posta en práctica dende a óptica do voluntariado.

Deste xeito o curso desenvolve os seguintes módulos:

Módulo I: Claves do envellecemento activo
Módulo II: Áreas de intervención e papel do voluntariado
Módulo III: A labor de acompañamento con persoas maiores desde o programa Acompaño
Módulo IV: Desenvolvemento de proxectos de envellecemento activo dende a óptica do voluntariado

O Curso é impartido por Arelar e remata o 31 de outubro.

“A experiencia conta”: Un camiño de inclusión e aprendizaxe compartida

Ven de iniciarse a segunda edición deste programa interxeracional que pretende por en valor os espazos de aprendizaxe interxeracional na que persoas de distintas idades e procedencias traballan en conxunto para facer un programa radiofónico que dea resposta as inquedanzas e intereses dun grupo tan heteroxéneo e diverso.

Nesta edición participan no proxecto entidades moi diversas (AFA Mnforte, Cáritas Monforte, Centro Valladares de Vigo, A Fundación Amigos dos Maiores, cruz Vermella Betanzos ou AFundación son as primeiras entidades implicadas no proxecto) , que culminarán coa elaboración dos diferentes programas de radio e coa presentación do proxecto no marco do Congreso Estatal de Voluntariado que se celebrará en Galicia a finais de novembro.

O proxecto “A Experiencia Conta” é promovido pola Dirección Xeral de Xuventude, Participación e Voluntariado e está coordinado por Arelar e Laboratorio de Radio.