Teatro | Arelar xestión socioeducativa

Archives

Teatro comunitario cheo de vitalidade en Boqueixón

Onte tivo lugar a estrea da obra “Urxencias”, unha adaptación da obra de Suso de Toro, e que representou o Clube de Maiores de Boqueixón, tras uns meses de traballo preparando esta peza coral con 26 actores e actrices, para compartir esta comedia cun auditorio totalmente ateigado.

O resultado final foi unha comedia disparatada na sala de urxencias dun hospital onde aparecían os personaxes máis disparatados que se puidera un imaxinar.

A representación desta peza é o resultado final, dun proceso de traballo dende unha perspectiva comunitaria, na que os maiores partindo do texto orixinario foron aportando e facendo súa a obra, achegando a súa visión da comedia, e construindo e perfilando os personaxes para finalmente representar a obra ante a súa veciñanza totalmente entregada, e recoñecendo o traballo realizado, contanto con algunha actriz de máis de 90 anos.

Ler máis…

Achégase a estrea de “Urxencias”

O Clube de Maiores de Boqueixón están a preparar a obra “Urxencias”,  unha peza coral que a modo de parodia retrata a vida nunha sala de urxencias dun hospital moi peculiar.

Na preparación desta peza teatral participan 26 maiores, que con moito traballo e ilusión están a piques de levar a escena esta obra cómica. O vindeiro 22 de abril será a estrea na Casa da Cultura de Camporrapado.

Outro dos aspectos máis salientables fai mención ao proceso de traballo na construción da peza por parte dos maiores, na que partindo da obra de Suso de Toro, “servicio de urxencias”, establecéronse unha serie de adaptacións, que fixeron o proceso de construción moito máis rico e diverso.

Arelar desenvolve a coordinación técnica deste proxecto de teatro comunitario.

 

O teatro foro como instrumento para o traballo en valores nos centros educativos da cidade

Ven de presentarse hoxe dende a Concellaría de Mocidade do Concello de Santiago, o proxecto de “Teatro-Foro” que se está a desenvolver como proxecto piloto en 3 centros educativos da cidade (IES Xelmirez I, IES Xelmirez II e IES Pontepedriña).

O obxectivo deste proxecto reside en poder impulsar esta metodoloxía innovadora nos centros educativos como mecanismo para traballar problemáticas socioeducativas desde unha perspectiva transformadora, e de cambio da realidade, construíndo realidades de personaxes perfectamente achegados á realidade, e onde se pode abordar situacións moi diversas vencelladas á violencia de xénero, o acoso escolar, a prevención de drogodependencias, etc…

Ler máis….