“Boqueixón Recicla”, é a denominación da campaña de sensibilización do proxecto de aprendizaxe-servizo (ApS) que están a desenvolver o alumnado do CPI Antonio Orza Couto de Boqueixón, e que entra agora na súa recta final, coa posta en práctica desta campaña para a mellora na separación de residuos no fogar.
Antes de chegar a este punto, o alumnado recibiu unha serie de formacións previas, e elaborou unha serie de visitas a equipamentos especializados na xestión de residuos
Ler máis….
O pasado 21 de xuño, tivo lugar a xornada lúdica do programa de voluntariado miúdo “Móvete” e que serviu para poñer colofón ao programa neste curso escolar. A xuntanza tivo lugar no Albergue Xuvenil de Gandarío, e reuniu a 110 alumnos e alumnas dos 3 centros participantes (CEIP A LOMBA, CEIP DAS FONTIÑAS E CPI VIRXE DA CELA).
Ao longo da xornada o alumnado defrutou dunha aventura solidaria, elaborou un gran mural e defrutou de xogos na praia, sempre dende unha perspectiva colaborativa e reforzando os valores solidarios presentes en todo o programa.
Ao longo da xornada contamos coa presenza da Directora Xeral de Xuventude, Participación e Voluntariado Cecilia Vázquez, que acompañou ao alumnado e profesorado para poñer fin á xornada, e facer entrega dos diplomas acreditativos .
Neste enlace pode ver algunhas das mellores imaxes da xornada
Aqui tedes o enlace ao video explicativo do proxecto Móvete e do acto de presentación das accións solidarias que os 3 centros participantes (CEIP A LOMBA, CEIP AS FONTIÑAS E CPI VIRXE DA CELA) efectuaron na cidade da Cultura o pasado 15 de abril.
O video amosa perfectamente a esencia deste proxecto transformador e educativo a prol da acción solidaria dende a educación primaria.
