A experiencia conta, é un proxecto promovido pola Dirección Xeral de Xuventude, Participación e Voluntariado, que pretende por en valor aos nosos maiores dende a creación dun espazo interxeneracional, e empregando a radio coma canle comunicativa.
Dende a experiencia conta se desenvolverán 4 experiencias piloto, diversas no seu contexto e no seu contido, pero cun elemento en común: o potencial das experiencias interxeneracionais.
Ven de dar comeza o proxecto “Mocidade inqueda”, un proxecto que pretende ser unha canle de participación e plasmación das inquedanzas e intereses da mocidade de Lugo, a través de diversos formatos creativos diferentes.
Deste xeito, o teatro, o audiovisual e a radio serán os mecanismos a través dos cales a mocidade dará renda solta as súas inquedanzas e necesidades, dun xeito dinámico e creativo, o que permitirá realizar un proxecto que visibilice os intereses xuvenís en temáticas tan diversas como a convivencia, o deporte, as novas tecnoloxías, a saúde, o ocio e a cultura.
Esta semana ven de rematar o proxecto de dinamización comunitaria a través da radio no barrio de Conxo. Nesta experiencia participaron 7 mozos e mozas do barrio que empregaron a súa visión do barrio e das súas inquedanzas para deseñar os contidos e a estrutura deste programa piloto.
O resultado final, tanxibilizarase a través dun podcast que fai un percorrido por diferentes contidos de interese tanto dende unha perspectiva xuvenil coma comunitaria. Deste xeito, as obras no barrio de Conxo ao longo deste tempo, ou centro sociocultural coma referente do barrio, son algún dos referentes máis interesantes do guión elaborado.
