Archives

A creatividade e o cine como recurso educativo coa mocidade

Arelar coordina unha proposta educativa para mozos e mozas do concello de Boqueixón, na que se creará unha “micromovie xuvenil”, dirixida a desenvolver competencias e destrezas a través da creación colaborativa dunha curtametraxe, vinculándoa ao elemento patrimonial do concello.

Deste xeito, o grupo de mozos e mozas participantes, vivenciarán o proceso creativo nas súas diferentes fases, desenvolvendo unha dinámica grupal que permitiralles desempeñar múltiples funcións (interpretativas, creativas, organizativas ou técnicas….),  ao tempo que adquiren unha serie de competencias sociais, lingüísticas e dixitais, que son de moito interese para os mozos e mozas participantes.

O resultado final, será unha “micromovie xuvenil”, que poña en valor elementos senlleiros do patrimonio do concello dende a óptica dos mozos e mozas de Boqueixón.

O tecido asociativo xerme da participación da mocidade en Teo

 

No marco do Proxecto de Participación Social da mocidade da Teo que coordina arelar, estanse a realizar unha serie de visitas as entidades sociais do concello, de cara a coñecer a dinámica de participación da mocidade, cales son as actividades nas que participan maioritariamente, e que procesos se empregan dende as asociacións nesa dinamización.

Neste achegamento ao tecido asociativo,  teñen especial relevancia as asociacións de cárácter cultural, en particular as vencelladas a cultura tradicional, as asociacións de carácter deportivo,  e as entidades sociais cunha compoñente dinamizadora no seu territorio.

Así mesmo, podemos constatar o enorme papel vertebrador que teñen no concello de Teo as entidades sociais para a dinamización social e cultural en cada unha das parroquias.

O proxecto entra así na segunda fase de execución, no marco deste estudo preliminar para impulsar procesos de participación social na mocidade do concello de Teo.

 

 

arelar inicia un proxecto de participación social da mocidade do concello de Teo

Arelar, ven de iniciar un proxecto de participación social da mocidade do concello de Teo, no que se pretende indagar nas claves para a participacion activa da mocidade na vida municipal, tanto no ámbito deportivo, cultural ou social, e que nesta primeira fase, impulsa un estudo para a detección das necesidades e intereses da mocidade do concello, de cara a ampliar as canles e instrumentos de participación da mocidade no concello.

 

Este proxecto que ten como colectivo diana aos mozos e mozas comprendidas entre os 16 e os 25 anos, e está impulsado pola concellería de Benestar, Igualdade, Mocidade e Participación Veciñal.

Arelar desenvolve a coordinación técnica do mesmo.

 

participacion