Micromovies | Arelar xestión socioeducativa

Archives

O “xigante de pedra” visto dende a ollada xuvenil

Esta fin de semana ven de presentarse no centro de Interpretación do Pico Sacro, a curtametraxe “Xigante de pedra”, proxecto coordinado na parte técnica por arelar, e que permitiu xerar un proceso participativo no que un grupo de alumnas do CPI Antonio Orza Couto desenvolveron nas súas diferentes fases o deseño desta curtametraxe, que na súa intencionalidade pretendía xerar dende a ollada xuvenil unha posta en valor do Pico Sacro e o seu entorno. ademais o evento contou con outras achegas dende a propia comunidade tanto no plano literario, coma musical (X. Manuel Lobato, Estralampo e Sofía Silva)

Aqui tedes o enlace dunha nova publicada nos xornais sobre a presentación de “Xigante de pedra”

http://www.lavozdegalicia.es/noticia/santiago/boqueixon/2016/01/17/alumnas-boqueixon-editan-cortometraje-sobre-pico-sacro/0003_201601S17C6992.htm

 

O “xigante de pedra” é patrimonio de todos

Un grupo de alumnas do CPI  Antonio Orza Couto de Boqueixón, está rematando a súa participación nunha pequena “micromovie”  na que foron partícipes dos diferentes procesos de elaboración da mesma (elaboración do guión, interpretanción, gravación,  selección de músicas, edicion e montaxe….).

“Xigante de pedra”, título da micromovie, pretende ser unha ficción que pon en valor ao Pico Sacro no seu entorno inmediato, dende a ollada dun grupo de mozas, que pasan por diversas aventuras, para a súa posta en valor e defensa.

Arelar desenvolveu a coordinación técnica deste proxecto, que terá a súa presentación pública coas súas protagonistas o vindeiro 16 de xaneiro.

 

A creatividade e o cine como recurso educativo coa mocidade

Arelar coordina unha proposta educativa para mozos e mozas do concello de Boqueixón, na que se creará unha “micromovie xuvenil”, dirixida a desenvolver competencias e destrezas a través da creación colaborativa dunha curtametraxe, vinculándoa ao elemento patrimonial do concello.

Deste xeito, o grupo de mozos e mozas participantes, vivenciarán o proceso creativo nas súas diferentes fases, desenvolvendo unha dinámica grupal que permitiralles desempeñar múltiples funcións (interpretativas, creativas, organizativas ou técnicas….),  ao tempo que adquiren unha serie de competencias sociais, lingüísticas e dixitais, que son de moito interese para os mozos e mozas participantes.

O resultado final, será unha “micromovie xuvenil”, que poña en valor elementos senlleiros do patrimonio do concello dende a óptica dos mozos e mozas de Boqueixón.