Abordando o ciberbullying dende o Erasmus +

O alumnado do IES XELMIREZ I participará no marco do Erasmus +, nun encontro en Como (Italia) con alumnado doutros centros de Rumanía e Italia, par abordar a problemáticas do bullying e o ciberbullying tal e como veñen facendo en diversos encontros ao longo do pasado curso escolar.

Nesta ocasión o alumnado do IES Xelmirez I, está a preparar unha peza de teatro foro para representar diante dos seus compañeiros e compañeiras na que aborda a problemática do ciberbullying, no contexto dunha relación adolescente.

A semana pasada co inicio do curso, 12 alumnas e alumnos están a traballar na peza “Vaste a enterar!” e na que o alumnado asumirá so diferentes roles prcisos para a representación dunha peza de teatro foro,e que van moito máis alá da representación por parte de actores e actrices.

Ler máis…

Os primeiros pasos no voluntariado

“Os primeiros pasos no voluntariado” é o nome do curso de formación en liña, para o voluntariado, promovido pola Dirección Xeral de Xuventude, Participación e Voluntariado, que pretende aproximar as persoas interesadas no eido do voluntariado a unha vision panorámica do mesmo, incidindo en diversas áreas formativas dun xeito introductorio, e dende unha transversalidade de xénero, de forma que todo o traballo na acción voluntaria no curso leva asociadas ás “gafas moradas” do xénero, para dotar de sentido e intencionalidade a todo contido abordado.

De feito, o curso permite interconectar con varias das medidas incluídas dentro do Pacto de Estado contra a Violencia de Xénero (Medida 19,24 e 32).

Ler máis…

O teatro comunitario dá vida

O Clube de Maiores de Boqueixón leva xa un tempo traballando dende unha perspectiva comunitaria, e co teatro como ferramenta para desenvolver un envellecemento activo, ao tempo que dinamiza a súa comunidade .

Neste intre o Clube de Maiores está a traballar nunha comedia titulada “Un morto moi vivo”, e resulta digno de mención o proceso de creación dos personaxes, adaptándoos as necesidades de cada un dos participantes.

Unha das cuestións máis complexas ten que ver coa creación dunha peza coral para 27 maiores, adecuando ás caracteristicas individuais tan diversas no grupo.

Todos estes elementos de complexidade son suplidos coa ilusión, entusiasmo e bó facer do grupo, de forma que o proceso de construción da peza resulta tremendamente estimulante e motivador.

Ao longo do ano seguirá o traballo para desenvolver a posterior representación á comunidade.

Arelar desenvolve a coordinación técnica deste proxecto.