Category Archives: VOLUNTARIADO

O “Voluntariado Miúdo” enche a Cidade da Cultura

Máis de 215 alumnos e alumnas de educación primaria compartiron proxectos e experiencias no Museo do Gaiás.

Ao longo da xornada de onte 215 nenos e nenas e 25 mestrs e mestras participaron no Encontro do Voluntariado Míúdo, a través dos seus proxectos solidarios e de voluntariado, que 12 centros de toda Galicia desenvolveron ao longo do curso 2018-2019.

Este programa é promovido pola Dirección Xeral de Xuventude, Participación e Voluntariado, e na súa benvida aos centros contou coa presenza de Fabiola García Conselleira de Política Social e da Directora Xeral de Xuventude, Participacion e Voluntariado, Cristina Pichel.

A xornada estruturouse en 3 espazos principais. O primeiro consistíu na presentación de experiencias, na que o CPR PP Somascos de A guarda e o CEIP Isidro Parga Pondal de Oleiros, compartiron as súas experiencias vencelladas ao maltrato animal, e a inclusión e a solidaridade.

Ler máis…

Enlázate ao voluntariado: XX Congreso estatal de Voluntariado

O pasado 28 e 29 de novembro desenvolveuse en Ourense o XX Congreso estatal de voluntariado baixo o lema “Enlázate ao voluntariado” e que pretende promover dende diferente ópticas o voluntariado como un instrumento de cambio e transformación social con gran valor en diferentes eidos sociais.

Arelar participou no Congreso por unha dobre vía. Por unha banda a través da presentación do proxecto “A experiencia conta” a través da recreación dun programa de radio que permitíu coñecer dun xeito dinámico e fresco a esencia deste proxecto.

En segundo lugar dende a realización dun obradoiro na xornada do 29 de novembro sobre o ciberbullying e proxectos solidarios dirixido a escolares que se achegaron na xornada matutina ao Congreso.

Congreso Galego de Voluntariado: Construímos?

Ao longo do día de onte, tivo lugar o Cogreso Galego de Voluntariado, no CIS de Ferrol e no que se deron cita máis de 300 persoas, entre alumnado dos centros educativos e entidades de acción solidaria.

O Congreso permitiu coñecer sobre todo a vertente educativa de diversos proxectos de voluntariado, ademais de coñecer expereincias de sensiblización partindo do cine como ferramenta transformadora (Proxecto máis ca vida).

De inicio a conferencia de César García Rincón servíu para analizar dun xeito moi ameno as diversas ferramentas do voluntariado.

Ademais, o emprego de diversas metodoloxías creativas, foron de gran utilidade para o traballo de alumnado, profesorado e voluntarios e voluntarias ao longo da xornada (world café, teatro foro, audiovisuais solidarios, espazos de dinamización creativa, programa radiofónico…).

Ademais por iniciativa do alumnado participante, fíxose recollida de máis de 300 kg de legumes para facerlle entrega ao Banco de Alimentos de Ferrol, e que serviron para conmemorar o ano 2016 como ano Internacional das Legumes segundo a ONU.

Arelar desenvolveu a coordinacion técnica de contidos e a dinamización da xornada.

congrseo galego voluntariado