Category Archives: TEATRO SOCIAL

Teatro foro: Unha ferramenta para abordar os impactos emocionais derivados da COVID-19

O proxecto de teatro foro para a educación en valores, que impulsa dende fai varios anos o departamento de mocidade do Concello de Santiago de Compostela, nesta nova edición traballará ao redor da abordaxe dos impactos emocionais que na comunidade educativa está a deixar a pandemia da COVID-19,  a través da creación de pezas teatrais que reflictan diversas vivencias e impactos de carácter emocional derivado de tódolos cambios que está a supoñer a tódolos niveis (educativo, familiar e social) esta nova realidade.

Dete xeito as pezas abordaran situacións derivadas desta nova realidade que supoñen unha dificultade ou opresión para o alumnado dende a perspectiva emocional.

Para o desenvolvemento do proxecto estableceranse diversas fases: diagnose, creación das pezas e realización das sesións de teatro foro que terán lugar no que queda de curso 2021-21 e no inicio do vindeiro curso 2021-22.

O obxectivo final do proxecto coordinado na parte técnica por Arelar pretende dotar ao alumnado das ferramentas necesarias para mellorar as súas competencias emocionais:  expresion emocional, conciencia emocional, regulación emocional e competencias sociais.

 

A “nova normalidade” inclúe ao teatro

A pandemia da COVID-19  mudou a nosa cotidianeidade en grao sumo, e agora adentrámonos nesta “nova normalidade” que pouco a pouco vai facendo camiño aos diferentes quefaceres diarios.

O teatro non ía ser menos, e o Clube de maiores de Boqueixón decidíu retomar a actividade teatral de xeito gradual e respectando as medidas hixiénico-sanitarias establecidas polas autoridades competentes para previr calquera situación de risco.

Por iso, no mes de xullo inícianse os ensaios a través de grupos reducidos (4-5 persoas) para esta primeira fase de traballo que pretende que pouco a pouco o grupo poida retomar a súa actividade cultural e de ocio, pero mantendo tódalas cautelas e prudencias que require a situación derivada desta pandemia.

O grupo está a preparar unha comedia titulada “Un morto moi vivo” e a coordinación técnica da actividade corre a cargo de Arelar.

 

 

O proxecto de teatro foro implica a máis de 800 escolares de Santiago

A semana pasada ven de presentarse o proxecto de Teatro foro para a educación en valores, e que nesta edición implica a 5 institutos da cidade ( IES Xelmirez I, IES Xelmirez II, IES Rosalía de Castro, IES Pontepedriña e IES Sar) e a máis de 800 alumnos e alumnas, sumando ao alumnado que prepara e interpreta cada unha das pezas que compoñen o proxecto, como do alumnado que participa nas propias sesións de teatro foro como “espect-actores”.

Ao longo deste curso prepararanse 9 pezas teatrais que abordan diversas temáticas de interese para o proceso educativo do alumnado dos centros educativos, e que presentan diversas realidades. Deste xeito, a transexualidade, o bullying, o racismo, a prevención das drogodependencias, a adicción ao xogo e o ciberbullying,  son algunhas destas temáticas.

Ler máis…