A Experiencia Conta | Arelar xestión socioeducativa

Category Archives: A EXPERIENCIA CONTA

“A experiencia conta” no JUTE 2018 de Donostia

Hoxe ven de iniciarse a XXVI edición das Xornadas Universitarias de Tecnoloxía Educativa (JUTE) que teñen lugar do 27 ao 29 de xuño en Donostia-San Sebastián, co título “A competencia e cidadanía dixital para a transformación social”.

As xornadas teñen como obxectivo profundizar sobre o impacto social das prácticas e investigacións sobre tecnoloxía educativa que se levan a cabo en diferentes institucións.

Arelar e Laboratorio de radio presentan nestas xornadas unha comunicación co título: “A experiencia conta”. Unha experiencia interxeracional tecnolóxica-inclusiva.

A comunicación preséntase dentro da liña 1 de comunicacións: “prácticas con tecnoloxía e inclusión” e pretende amosar a potencialidade da radio como instrumento para a inclusión dentro dun contexto comunitario que pon en valor a diferentes xeracións baixo un mesmo fin: crear un programa de radio no seo da súa comunidade.

“A experiencia conta”: Un camiño de inclusión e aprendizaxe compartida

Ven de iniciarse a segunda edición deste programa interxeracional que pretende por en valor os espazos de aprendizaxe interxeracional na que persoas de distintas idades e procedencias traballan en conxunto para facer un programa radiofónico que dea resposta as inquedanzas e intereses dun grupo tan heteroxéneo e diverso.

Nesta edición participan no proxecto entidades moi diversas (AFA Mnforte, Cáritas Monforte, Centro Valladares de Vigo, A Fundación Amigos dos Maiores, cruz Vermella Betanzos ou AFundación son as primeiras entidades implicadas no proxecto) , que culminarán coa elaboración dos diferentes programas de radio e coa presentación do proxecto no marco do Congreso Estatal de Voluntariado que se celebrará en Galicia a finais de novembro.

O proxecto “A Experiencia Conta” é promovido pola Dirección Xeral de Xuventude, Participación e Voluntariado e está coordinado por Arelar e Laboratorio de Radio.

Radioencontro “A experiencia conta”: un espazo para a aprendizaxe interxeracional

Onte veu de celebrarse o radioencontro “A experiencia conta”, como colofón dun proxecto interxeracional no que se empregou a radio como instrumento de traballo para a creación compartida de aprendizaxes e vivencias entre persoas de diferentes xeracións, demostrando que a interxeracionalidade é un valor con gran impacto socioeducativo.

No proxecto “a experiencia conta” participaron diversas entidades para a creación dos diferentes programas radiofónicos: Concello de Vedra, Residencia As Dores (Lalín), ASociación Cultural O castro de Baión (Vilanova de Arousa), Centro de Maiores de Afundación de Betanzos, Cruz Vermella de Betanzos, CEIP Ramón Falcón (Castro de Rei), e Residencia San Xoan (Castro de Rei) foron os protagonistas desta experiencia interxeracional que tivo o seu culmen no radioencontro celebrado na Cidade da Cultura.

Ler máis…