A transexualidade dende a óptica do teatro foro | Arelar xestión socioeducativa

A transexualidade dende a óptica do teatro foro

Arelar leva dinamizando dende finais do ano pasado un proxecto de teatro foro, promovido polo Concello de Teo, dirixido a analizar, sensibilizar e procurar alternativas para afrontar as situacións de opresión que en ocasións, sofren aquelas persoas que se atopan nun corpo que non é o que lle corresponde. Toda esta “loita interior” leva consigo asociada a procura da comprensión por quen rodea á persoa transxénero: familia, amizades, alumnado do instituto, profesorado, etc….

A procura do apoio, a comprensión e poder exercer os nosos dereitos son os eixos sobre os que un grupo de 10 alumnos e alumnas do IES cacheiras levan traballando, para representar unha serie de sesións de teatro foro cos seus propios compañeiros e compañeiras, para abordar a realidade LGTB, dende a construción dunha peza teatral que tenta describir unha realidade  que precisa da nosa implicación e compromiso.

Onte venres, tivo lugar a primeira sesión de teatro foro, tendo continuación o vindeiro luns as seguintes sesións. Todo o alumnado de 3º de ESO do IES Cacheiras poderá participar como “espect-actor” para aportar solucións e enfoques alternativos aos retradados na peza recreada.

este proxecto é dinamizado e coordinado por Arelar. A continuación podedes achegarvos á divulgación do proxecto nos medios.

Nova na prensa sobre o proxecto de Teatro Foro no IES Cacheiras