Xaneiro, 2018 | Arelar xestión socioeducativa

Monthly Archives: Xaneiro 2018

A educación en valores dende o teatro foro

Ao longo deste curso escolar, o departamento de Mocidade do Concello de Santiago está a impulsar un proxecto piloto de teatro foro en diversos centros educativos da cidade. O obxectivo é impulsar a realización dun teatro foro ao redor de temáticas de interese para alumnado e profesorado, empregando o teatro foro como instrumento canalizador. Nesta fase do proxecto o IES Xelmirez I, IES Xelmirez II e IES Pontepedriña, participan do proxecto creando diversas pezas teatrais para abordar denden esta metodoloxía pertencente ao teatro do oprimido de Augusto Boal.
As temáticas son diversas e permiten traballar ao redor de situacións moi próximas á realidade do alumnado participante. Deste xeito, o ciberacoso, a violencia de xénero ou a prevención de drogodependencias son algúns dos eixos vertebradores dos diferentes teatros foros.

Ler máis…

A radio: un instrumento para o desenvolvemento comunitario

Ven de presentarse os resultados do proxecto de radio comunitaria para a educacion en valores no barrio de Conxo, e que implicou a 5 entidades do barrio (fundación Down Compostela, IES Eduardo Pondal, CEIP Quiroga Palacios, CSC de Conxo e Asociación Dignidade) na elaboracion dunha serie de programas radiofónicos vencellados ao territorio ( o barrio) e aos diferentes centros de interese dos seus protagonistas : o colectivo infanto-xuvenil do barrio.

O resultado final foron unha serie de podcast onde se abordaron temas moi dispares( educación, a loita contra a discriminación, promoción da diversidade, educación, historia do barrio, cultura e lingua, etc…), que contaron coa implicación dos seus protagonistas no proceso de elaboración dos diferentes contidos, deseño do guión, etc…

Ler máis…..

Aberto por vacacións!!

Aberto por vacacións é o nome do proxecto de conciliación que desenvolve Arelar no Concello de Rodeiro ao longo deste Nadal.

Nel tódolos nenos e nenas que o desexen poden pasar as súas vacacións dende un proxecto educativo e lúdico que nesta ocasión versa sobre a viaxe dos Reis Magos a Rodeiro.

Deste xeito os nenos e nenas participantes, desenvolven toda unha serie de competencias (lingúisticas, artísticas, creativas e sociais)  ao tempo que pasan un tempo de lecer tremendamente gratificante.

O aberto por vacacións inclúe unha excursión ao Silleda Park.

O espazo de referencia do proxecto é o a biblioteca municipal, e rematará o vindeiro 5 de xaneiro coa chegada dos Reis Magos a Rodeiro